लाभले आम्हास भाग्य बोलतो मराठी
झालो खरेच धन्य ऐकतो मराठी
धर्म जात पंथ एक मानतो मराठी
एव्हाडया जगात माय मानतो मराठी
आमुच्या मना मनात दंगते मराठी
आमुच्या रगा रगात रंगते मराठी
आमुच्या नसानसात दंगते मराठी
आमुच्या उरा उरात स्पंदते मराठी
आमच्या पिला पीलात जन्मते मराठी
आमुच्या लहानग्यात रांगते मराठी
आमुच्या मूला मुलीत खेळते मराठी
आमुच्या घरा घरात वाढते मराठी
आमुच्या कुला कुलात नांदते मराठी
येथल्या फुला फुलात हसते मराठी
येथल्या दश दिशात दाटते मराठी
येथल्या नगा नगात गर्जते मराठी
येथल्या दरी दरीत हिंडते मराठी
येथल्या वना वनात गूंजते मराठी
येथल्या तरुलतात साजते मराठी
येथल्या कलि कलित लजाते मराठी
येथल्या नभातुन वर्षते मराठी
येथल्या पिकातुन डोलते मराठी
येथल्या नद्यां मधून वाहते मराठी
येथल्या चरा चरात रहते मराठी
पाहुणे जरी असंख्य पोसते मराठी
आपुल्या घरात हाल सोसते मराठी
हे असे कितिक खेळ पहाते मराठी
शेवटी मदांध तख्त फोड़ते मराठी
No comments:
Post a Comment